Journalist Øystein Windstad frå Aukra har sett søkjelyset på tilhøva for menneskerettar og ytringsfridom i Russland dei siste ti åra. Han var sjølv nær ved å bli drepen på jobb i Russland, då han saman med andre journalistar blei angripen og bussen dei sat i sprengt. Windstad har master i undersøkjande journalistikk og dokumentar, bakgrunn frå NRK og jobbar i dag som gravejournalist i Fagbladet. Fleire av dei russiske journalistkollegaene til Windstad som overlevde angrepet i 2016, har måtta rømme frå Russland etter krigen mot Ukraina. Dei siste frie russiske avisene har blitt nedstengte. Men dei maktkritiske russiske journalistane gjev ikkje opp og held fram arbeidet med å setje eit kritisk søkjelys på Ukrainakrigen og menneskerettssituasjonen i Putin sitt Russland. 

Arrangementet er ein del av arrangementsrekka «Ytringsfridomens grenser» og er støtta av Fritt Ord.

Gratis og ope for alle!