Ålesund bibliotek har gleda av å invitere til ei ny og stemningsfull fotosutstilling i kunstgalleriet ved hovudbiblioteket. Frå 19. mai og ut juni kan du oppleve «Skaparverk i Edens hage?» – ei reise inn i det ville dyrelivet i Krugerparken i Sør-Afrika, sett gjennom kameralinsa til Jan Roald.

Her får du ikkje tradisjonelle dyrebilete, men eit kunstnarisk blikk på det naturlege livet – eit forsøk på å forsterke dei fantastiske skaparverka som lever fritt i sitt eige habitat. Er dette ein Edens hage?

Jan Roald er medlem av Ålesund Kameraklubb, og dette er hans andre separatutstilling ved biblioteket.

Utstillinga er tilgjengeleg i biblioteket si opningstid.

Jan sin foto-CV finn du her: Om Piwigo | Jan Roald's Artphoto and Portfolios