Moa bibliotek og Human-Etisk Forbund ønskjer Tor-Håkon Gabriel Håvardsen velkomen!
Tor-Håkon er forfattar, prisvinnande formidlar, influensar og nasjonalt kjend gravferdsagent.
Han har teke med seg prisar som Årets Influencer i Vixen Awards for kunnskap, Årets nordlending, og han vann innlesinga av eiga bok i Storytel Awards!
Han kom også på tredjeplass i fjorårets sesong av Forræder på TV 2.
Tor-Håkon er kjend for si lune, humoristiske og trøystande tilnærming til døden som tema, der ingenting er for tabu å snakke om. Han bruker sine snart tjue år lange erfaringar med å jobbe natt og dag med døden – frå åstader til rettsmedisin, stell/rekonstruksjon av dei døde til seremoni, religion/kultur og gravplasskikk. Med skråblikk på sitt eige forhold til døden, snakkar han ope om det mest makabre, til varme og gode forteljingar som gir trøyst.
Arrangementet er støtta med midlar til dialog, debatt, samarbeid og kunnskapsutvikling på trus- og livssynsfeltet frå Barne- og familiedepartementet.