Gjennom korte forteljingar møter lesaren eit Noreg sett med undrande auge. Bak dei morosame historiene ligg refleksjonar om identitet, heimlengsel, tilhøyrsle og korleis eit nytt språk og ein ny kultur sakte blir ein del av den ein er.
Boka er ei kjærleikserklæring til Noreg – men òg ei påminning om at den som kjem utanfrå, ofte ser det dei som bur her, ikkje lenger legg merke til.
Måndag 7. september har Gert Rietman boklansering på Frivilligsentralen saman med Sjøholt bibliotek. Arrangementet varer frå 18.00 til 19.30. Frå cirka 19 blir det mingling med kaffi og enkel servering. Velkomen!