Utover seinhausten kjem barnebokforfattaren Ina Giske frå Godøy til biblioteka våre og held eventyrstund med utgangspunkt i boka "Sjøhesten Hippo og plasten i havet". Etter eventyrstunda får alle deltakarane Hippo-fiskeburgarar!
Ålesundsbiblioteka ynskjer med desse arrangementa å rette fokus mot miljøet i havet, og korleis ein kan ivareta det. Vi har fått støtte frå Møre og Romsdal fylkeskommune til prosjektet, og arrangementa blir gjennomførte i samarbeid med Haram frivilligsentral, Sunnmøre Friluftsråd og Plastpiratene frå Lepsøy.
Longva bibliotek er først ut, dit kjem Ina Giske torsdag 3. november. Tid og stad for dei andre arrangementa finn du i kalenderen vår.