Klesbytedagen blir arrangert av Haram frivilligsentral og Brattvåg bibliotek, med støtte frå Naturvernforbundet. Denne dagen kan du byte gamle klesskattar som du ikkje brukar lenger, og få nye favorittar i retur. Du sparar miljøet og får rydda kleskapet samstundes!

Det fungerer slik at du leverer inn inntil fem plagg frå bakarst i kleskapet. Plagga må vere heile, reine og fine. For kvart plagg du leverer inn, får du ein kupong som du kan bruke til å byte til deg nye plagg på klesbytedagen 22. april. 

Du kan levere inn klede på Brattvåg bibliotek i biblioteket si opningstid i heile veke 16. På klesbytedagen opnar dørene kl. 12.00, og det heile varer til kl. 15.00. Her kan det løne seg å vere tidleg ute!

Velkommen til klesbytedag!