Les Vegas, baby! er eit nytt konsept hos Ålesund bibliotek. Vi inviterer til lese- og samlingsstund for babyar og føresette. Her blir det eit lite eldorado for babyar der vi les gode bøker, rim og regler, og syng saman. Ein av våre medarbeidarar leier samlingsstunda og plukkar ut bøker, songar og andre tekstar på førehand. Deretter blir det kaffi og høve til å krabbe rundt i den fine barneavdelinga vår. Vi deler også ut ei lita gåve til alle besøkande, så langt lageret rekk. 

Les Vegas, baby! passar for babyar frå 7 månader til 1,5 år. Det går føre seg på tysdagar frå kl. 11.00 til kl. 12.00, med oppstart tysdag 15. oktober. Det er gratis for alle og det er ikkje naudsynt med påmelding på førehand. 

Det kan førekome avvik i tidspunkt og datoar. Aktivitetskalenderen på heimesida til biblioteket og Facebook vil vere oppdatert med eventuelle endringar. 

Vi ønskjer hjarteleg velkommen til både babyar og vaksne, og vi oppmodar særleg fedre om å bli med!

Les Vegas, baby! på Facebook