Antonia Høybakk bur og arbeider på Sunnmøre, og har sitt eige studio, Antonia Gallery, på Vigra. Her produserer ho eigen kunst og driv kunstundervisning for barn.
Eit viktig tema i Høybakk sin kunst er identitet og røter, og det er krigen i heimlandet Ukraina som er bakteppe for utstillinga i biblioteket. Utstillinga Shot Spring 2022 består av ei rekkje collagar og måleri som uttrykker kjensler, frykt og smerte ho som ukrainar har kjent på sidan krigen i heimlandet starta.
"Min familie og mine vener kjempar for fridom og overleving no, og kunsten har vore min måte å uttrykkje mi historie til verda på".
Kom og sjå utstillinga i biblioteket si opningstid frå 6. oktober.
Velkomen!