Sidan 2019 har Ålesund og Moa bibliotek drive billettsal for Parken kulturhus. Her har ein kunna kjøpe billettar over disk, til konsertar, teaterframsyningar og andre arrangement i regi av Parken kulturhus. Også dei med abonnement og sponsorbillettar har fått henta ut billettar ved biblioteka. I samband med at kulturhuset skiftar til nytt billettsystem 19. juni, fell denne ordninga vekk. 

Nytt billettsystem

Kulturhuset tek no i bruk billettsystemet Tixly til å selge sine billettar. Du kjem dit ved å gå inn på det aktuelle arrangementet på Parken kulturhus sine nettsider.  Billettene vil bli sendt til deg på epost. Elles er det framleis mogleg å kjøpe billettar hos kulturhuset 1 time før framsyningane. Du kan lese meir om billettsalg ved kulturhuset her:

Om billettsalg 

Ved spørsmål om billettar, kan du kontakte kulturhuset på tlf. 70 16 24 66. Telefonen er bemanna kl. 10.00 - 15.00, måndag til fredag. Du kan også sende epost til denne adressa: billett@parkenkulturhus.no.

Hjelp å få på biblioteket

Sjølv om du ikkje lenger kan kjøpe billettar over disk ved biblioteka, vil vi likevel forsøkje å hjelpe og rettleie deg som synest at det er vanskeleg å bestille billettane på nett.