«Om to dagar skal vi ta ut søpla, og søpla sitt namn er Kamala Harris», sa visepresidentkandidat J. D. Vance dagen før presidentvalet i 2024. Slik språkbruk er ikkje lenger unntaket, men heller regelen for amerikansk politisk samtale – særleg på høgresida. Nicole Wallace, tidlegare kommunikasjonssjef for George W. Bush, sa at dette under alle normale høve burde vore slutten for Trump-kampanjen. Det var det ikkje.

Finst det eigentleg normale høve lenger? Trump og MAGA-bevegelsen har endra partiet på grunnleggjande vis. Har dei også endra USA?

Restad tek føre seg:

• USA sin demokratiske tilbakegang
• Kva som har skjedd med det republikanske partiet
• Kva det demokratiske partiet kan gjere
• Kva alt dette betyr for USA si rolle som «leiaren av den frie verden»
• Og korleis skal Norge ta stilling til at vår fremste alliert er styrt av eit høgreradikalt regime?

Arrangementet er ein del av «Litteratur i krisetid – lesing som beredskap og motstandskraft», eit prosjekt i regi av Ålesundsbiblioteka med støtte frå Fritt Ord.

Tysdag 10. februar klokka 18.00 i Moa bibliotek.

 Gratis og ope for alle!