Ålesundsbiblioteka skal vere ein trygg og triveleg stad å opphalde seg for alle innbyggjarar.

Alle besøkande må difor rette seg etter biblioteket sitt regelverk og allmenne reglar for god framferd. Personalet vil i første omgang høfleg gjere merksam på dei krava biblioteket stiller til brukarane. Dersom slik oppmoding ikkje vert akseptert, kan vedkommande visast bort frå biblioteket.

Bruk av rusmiddel

Personar som er påverka av rusmiddel, personar som bruker rusmiddel og personar som kjøper eller sel rusmiddel, skal visast bort frå biblioteket.

Sjenerande åtferd

Personar som opptrer truande eller som på annan måte er til sjenanse for det øvrige publikum på grunn av støy, lukt etc. skal visast bort frå biblioteket.
Bortvising frå biblioteket sitt område betyr ikkje varig utestenging frå biblioteket. Det er eit tiltak i her og no-situasjonen, og bortviste personar skal få tilgang att til biblioteket på lik linje med andre brukarar. Varig bortvising vil vere eit alvorleg inngrep i den einskilde sine rettar og vil krevje behandling i samsvar med forvaltningslova. Ved gjentakande situasjonar som medfører bortvising, vil ein vurdere utestenging for ein kortare eller lengre periode

• Lånekort
  Ein må vise legitimasjon når lånekort skal opprettast. Unnateke er institusjonslånarar og barn under ungdomstrinnet i grunnskolen. Barn under 15 år må ha underskrift av føresett. Institusjonar blir registrert på namnet til institusjonen ved ansvarleg person. Lånaren pliktar å ta med lånekortet når han/ho skal låne. Lånaren må melde frå til biblioteket ved adresseforandring eller ved tap av lånekort. Ein kan evt. nytte digitalt lånekort på appen Bibliofil.
• Lånetid
  Normal lånetid er 4 veker. Det kan vere kortare lånetid på etterspurde/reserverte bøker. Filmar har 7 dagars lånetid, språkkurs 8 veker, musikk-cd og tidsskrift 14 dagars lånetid. Eit lån kan normalt bli fornya maks 2 gongar dersom materialet ikkje er reservert for andre. I spesielle tilfelle kan utvida lånetid avtalast.
• Ansvar
  Lånaren er ansvarleg for alt som blir lånt på lånekortet. Tapt eller skada materiale må erstattast. Erstatning skjer etter faste satsar vedtatt av kommunestyret. Biblioteket er ikkje ansvarleg for skadar som kan skje på avspelingsutstyr ved lån/bruk av materiale som f.eks. filmar og musikk-cd.
• Reservering
  Utlånte bøker og anna materiale kan reserverast.
• Lån frå andre bibliotek
  Bøker, artiklar og filmar som biblioteket ikke eig, kan som regel lånast frå andre bibliotek. Eigarbiblioteket fastset lånetida.
• Lånenekt
  Brudd på biblioteket sitt reglement kan medføre tap av lånerett.

Om du ikkje leverer tilbake det du har lånt av oss innan fristen kan du bli bedt om å ertatte det.

Les meir om rekning og erstatning