Bibliofil-appen kan installerast på mobiltelefonar og nettbrett med Android og iOS, og du kan laste den ned frå Google Play eller App store. 

Appen gjer det lett å finne fram til biblioteket sine tenester. Du har full tilgang til søk, reservering og lånarsider.

Med appen kan du også få lånekortet på opp på skjermen, slik at du slepp å ha med det fysiske lånekortet ditt til biblioteket. Lånekortet i appen kan brukast på mange sjølvbeteningsautomatar, i skranken og på innloggingspanela for dei meiropne biblioteka.

Start opp appen, vel bibliotek og logg inn på vanleg måte med lånenummer og pinkode frå ditt bibliotek. Du kan enkelt skifte mellom bibliotek, og appen gir tilgang til alle bibliotek som brukar biblioteksystemet Bibliofil.