Ålesundsbiblioteka

Ålesund Pride går av stabelen 25. – 31. mai. Det er ei feiring av mangfald, kjærleik og fellesskap, med Ålesund sentrumsforening som arrangør. Ålesundsbiblioteka deltek på Pride-feiringa med fleire arrangement: workshop om skeive i arbeidslivet, prideverkstad og skeiv quiz.

Ei ny ordning for transport mellom biblioteka har kome på plass, etter at Norsk Bibliotektransport gjekk konkurs i april. Biblioteka er derfor opne for både fjernlån og reserveringar på tvers av biblioteka igjen.

Laurdag 9. mai inviterer vi alle barn til årets store leikebyttedag på Ålesund bibliotek. Her kan barn bytte leiker dei ikkje brukar lenger og finne nye favorittar å ta med heim.