I Noreg markerer vi Verdsdagen for psykisk helse i veke 39 - 42 kvart år. Det er ein nasjonal folkehelsekampanje som mobliserer skular, arbeidsplassar, organisasjonar og ildsjeler over heile landet til felles innsats.
Målet med den nasjonale kampanjen er å spreie kunnskap og openheit om psykisk helse, og mobilisere til engasjement og tiltak for den psykiske folkehelsa.
Arrangement i Ålesundsbiblioteka:
Landsforeningen for pårørende innan psykisk helse - LPP Ålesund og omegn inviterer saman med Ålesund bibliotek til ein pårørandekveld på biblioteket. Hensikten med denne kvelden er at pårørande og nærståande til personar med psykisk helse- eller rusutfordringar skal møtast for felles innspel og idear med eit innleiande føredrag.
Camilla Brusdal presenterer seg sjølv som traumeoverlevar. For tida er ho høgaktuell med boka "I lyset der står jeg". Her skriv ho om korleis ho sjølv har opplevd ekstreme belastninger i livet frå ho var barn, og kva ho gjorde for å jobbe seg ut av traumeskadene det førte til. Denne kvelden på biblioteket vil Camilla gi oss eit innleiande føredrag med fokus på belastningar som pårørande til menneske som slit med utfordringer innan psykisk helse og rus kan oppleve.
Etter innleiinga legg vi til rette for kaffi og prat med noko godt å bite i.
30. september 18.30 i Ålesund bibliotek
Går vi i diagnosefella? Ein samtale om diagnosekulturen og barns psykiske helse.
Omlag ein av fem barn og unge får no ein diagnose, og bruken av medisinar er tredobla. Er vi i ferd med å skape ein generasjon som ser på seg sjølve som pasientar, heller enn som barn med heilt normale utfordringar?
Desse spørsmåla tek vi opp i samtale med barne- og ungdomspsykiater Henriette Kirkaune Sandven, aktuell med boka "Diagnosefellen". Ho møter lokale fagpersonar frå BUP, Familiestøttande teneste og ulike foreningar til panelsamtale på Ålesund bibliotek. Debattjournalist i Sunnmørsposten Inger Johanne Ruset er med og leiar samtalen.
1. oktober 18.00 i Ålesund bibliotek.
Korleis handterer ein livet når både mor og dotter får brystkreft same år?
Møt Line Norman Hjorth og Vigdis Hjorth i samtale med Tuva Fellman. Mor og dotter er aktuelle med boka "Kul i brystet. Året vi ble syke", som skildrer den brå omveltninga ein alvorleg diagnose kan føre til.
Vigdis Hjorth er ein av Noregs mest akta forfattarar, kjend for romanar som "Arv og miljø" og "Er mor død". Ho skriv eksistensielle romanar om menneskers vilkår og livsvalg, med eit skarpt blikk for aktuelle tema i samtida. Hjorth sine bøker er omsett til ei rekke språk og har fått mange høgthengande litterære prisar.
Vigdis Hjorts dotter Line Norman Hjorth debuterte i 2021 med «Troverdighet i rettssalen», fulgt av «Kristin må vekk – om Kristin Lavransdatter som ung», skrive i samarbeid med Vigdis Hjorth. «Kul i brystet. Året vi ble syke» er det andre felles bokprosjektet deira.
Tuva Fellman er journalist, programleiar, sexolog og kriminolog, kjend frå NRK P3s "Juntafil". Ho har leia program som "Love IRL" (Gullruten-vinnar 2023) og "Naked Attraction", samt podkasten "Fødselpodden". Tuva er kjend for sitt engasjement for å få unge til å snakke ope om sex, kropp og kjensler, og for si varme og direkte formidling.
Arrangementet er eit samarbeid mellom Ålesund bibliotek og Brystkreftforeningen Ålesund og omegn og er støtta av SpareBank 1 SMN.
15. oktober 18.00 i Ålesund bibliotek.
Indre styrke og psykisk beredskap – vegar vidare når livet utfordrer oss.
Årets tema for Verdsdagen for psykisk helse er psykisk beredskap, altså evna til å møte livets utfordringar med motstandskraft, innsikt og støtte. Moa bibliotek inviterer til ein inspirerande panelsamtale der vi saman utforsker korleis vi kan bygge denne beredskapen – i oss sjølve og i fellesskapet rundt oss.
Saman vil vi utforske spørsmål som:
- Korleis finn vi indre styrke når livet røyner på?
- Kva hjelper oss å stå stødig i motgang?
- Korleis kan vi støtte kvarandre i å finne vår eigen kraft?
I panelet møter du:
- Merethe Drønnen – Pedagogisk-psykologisk rådgivar, Ph.D. med positiv psykologi og leiing som tema, internasjonal forfattar og føredragshaldar.
- Carl-Axel Bang-Ellingsen – Dagleg leiar i Kirkens SOS Møre og Romsdal.
- Camilla Brusdal – Traumecoach, spesialpedagog og tidlegare leiar.
- Terje Bjerkvik – Fagleg leiar og HMS-leiar i Vard Electro, og ein av drivkreftene bak IDG Ålesund Community Hub.
- Anette Helen Barstad – Sosionom, yogalærer, bevegelsesterapeut og IDG-koordinator.
Samtalen vert leia av biblioteksjef Lia Ciobanu Andresen, som også vil bidra med sin fagkompetanse innan psykisk helse og livsmestring.
23. oktober 18.00 i Moa bibliotek.