I juli og august er det Evy Anne Brotnow som stiller ut bileta sine ved kunstgalleriet ved Ålesund bibliotek.

    Slik blir opningstidene til biblioteka i sommar.   

Er du nyetablert kunstnar og ønskjer deg ein arbeidsplass med byens finaste utsikt? Då kan du søke om å få disponere atelier ved Ålesund bibliotek. Du får også andre goder som kan hjelpe deg i etableringsfasen, og får bli ein del av eit kunstfagleg nettverk i Ålesund. 

Er du barn eller ungdom i alderen 9-14 år og interessert i å prøve podcast eller vere DJ for ein dag? Då kan du låne ein studiovert i Ålesund bibliotek sitt lyd- og videostudio!

Også denne sommaren er det Sommarles. Frå 1. juni kan alle 1. - 7.klassingar vere med på Noregs kulaste lesekampanje.

I juni er det utstilling med biletkunstnar Mette Elisabeth Fausa ved Ålesund bibliotek.

Svein Hammer har skrive ein trilogi om grøn politikk og grøn samfunnsutvikling. Samstundes har han kasta seg inn i lokalpolitikken i heimkommunen Hemnes. Måndag 5. juni kjem han til Ålesund bibliotek for å bli bokbada og snakke om sitt grøne manifest.

Biblioteka er stengte pinseaftan, 1. og 2. pinsedag. Dei meiropne biblioteka er likevel opne for dei lånarane som har tilgang til dei. 

Torsdag 4. mai blir det opningsfest på Skodje bibliotek. Biblioteket har blitt pussa opp og fornya, og inviterer no alle inn for å sjå korleis det har blitt.

På grunn av ombygging blir Ålesund bibliotek stengt i to veker i mai. Du kan likevel levere bøkene dine i innleveringskassa utanfor biblioteket. Bestilte bøker blir lånt ut til deg og sett på ei hentehylle i same gangen.